-
-
Так и не токмо, не токмо: Блуд и суесловие Симеона Полоцкаго. (из книги "Остен" патр. Иоакима)
"//Симеон, аще бяше человек учен и добронравен, обаче предъувещан от изуитов, папежников сущих, и прелщен бысть от них, к тому и книги их латинския чтяше, греческих же книг чтению не бяше искусен, того ради мудрствоваше латинская нововымышления права быти.// Написа он некая писания, собирая от латинских книг, и иная же с тех же латинских книг готовая преведе. И во всех тех своих писаниях написа латинскаго зломудрования некия ереси: аще от неискуства, аще ухищренно, совесть его весть, обаче овыя прикровенно и неудобопознанно лежаще суть в писаниих его//
Книг же его имена сия. Книга, именуемая "Катихисис", в нейже сказует, яко мужу у жены и жене у мужа срамная уды по любви целовати беззазорно есть и безстыдно: еже у нас православных христиан зело блазненно и гнусно и безчестно. На сие его суесловие вещательно, яко и варвари самии грубии и безбожнии, мню, стыдятся и гнушаются сего; у православных же христиан (оставляю еретики кальвины, лутеры, и латины и последуюшия тым, в сем любящияся) ниже в словесех сие безстудство (честным наипаче девственным ушесем) слышашеся, ниже во уме у кого бываше до продерзаго изъявления тоя книги писателя. Зело бо у нас блазненно и безчестно таковое не токмо целование и осязание, но и зрение срамных удес; егда бо кто аще по каковому случаю и своих срамных удес коснется рукою, абие мыет руку водою, и показует стыд таковый и срам от первозданных мужа и жены, Адама и Евы, яко не подобно не токмо целовати у друг друга, но ниже зрети оная удеса, иже, по осуждении от Бога за преступление заповеди, сотвориша себе от листвия препоясала, закрыша удеса она, еже не видетися от друг друга удес оных, и оттоле зовутся срамная или студная удеса. Ноев же сын Хам, дерзнувый видети срамная удеса отца своего, прокляся всеродно и в рабство отдадеся. Прочая ведят прочитающии Святая писания."Те же, которые едиными токмо устами причащающиися, иже скверными грехами окаляни, иже в смертных грехах погрязши и не очистившиися, котории не токмо не получат благодати Божия, но паче большее осуждение примут.Комментарий
Твитнуть
Комментарий